कल्याण : कोरोनाचा प्रादुर्भाव रोखण्यासाठी सरकारी पातळीवर सर्व उपाययोजना केल्या जात आहेत. यातच संपूर्ण देश लॉकडाऊन असल्याने रुग्णांवर उपचार करण्यासाठी रक्ताचा तुटवडा भासत आहे. यासाठी प्रत्येक भागात रक्तदान करण्याचे आव्हान महाराष्ट्र सरकारने केले होते. कोरोना हरेल, महाराष्ट्र जिंकेले हे ब्रीद डोळ्या समोर ठेवत सरकारच्या या आवाहनाला प्रतिसाद देत कल्याण पूर्वेत राष्ट्र कल्याण पार्टीचे महासचिव राहुल काटकर आणि स्काय रिचर्र क्लासेसचे ओम सर, प्रविन के.सी. यांच्यावतीने आज गुरुवारी दिनांक २६/०३/२०२० रोजी रक्तदान शिबिराचे आयोजन करण्यात आले होते. या रक्तदान शिबीरा मध्ये नागरिकांनी देखील चांगला प्रतिसाद देत रक्तदान केले. यावेळी राष्ट्र कल्याण पार्टीचे अध्यक्ष शैलेश तिवारी यांनी प्रमुख उपस्थिती दर्शविली. तर या शिबीरासाठी हर्षल साळवी, रूपेश पांचाल, राहुल गुप्ता, राम पांडे यांनी विशेष मेहनत घेतली. यावेळी संकल्प ब्लड बँक, कोळसेवाडी पोलीस स्टेशन व कल्याण डोंबिवली महानगरपालिका यांनी देखील विशेष सहकार्य केले.
जनहित न्यूज महाराष्ट्र 
टिप्पणी करे